Қанат Ислам Головкиннің бұрынғы қарсыласымен кездесуі мүмкін

Қазақстандық боксшы Қанат Ислам колумбиялық Мильтон Нуньезбен кездесуі мүмкін, - деп хабарлайды Vesti.kz.

Басылымның мәліметінше, 28 жастағы Нуньез 45 кездесу өткізген: 29 жеңіс, 15 жеңіліс және бір рет тең түскен. 2010 жылы ол Геннадий Головкинмен кездесіп, бірінші раундта нокаутпен жеңілді. Мильтон үшін бұл мансабындағы екінші жеңіліс болды. Айта кетейік, Нуньез бен Қанат Исламның промоутері ортақ, яғни - Нельсон Лопез.

Еске сала кетейік, Қанат Исламның ринге шамамен қай уақытта оралатыны хабарланған болатын. Оның 21-ші кездесуі Қытайда өтеді деп жоспарланып отыр.