Қанат Ислам сал ауруына шалдыққан баламен кездесті

Бірінші орта салмақтағы WBO NABO және WBA Inter-Continental тұжырымдары бойынша әлемнің жаңа чемпионы Қанат "QAZAQ" Ислам (24-0, 19 КО) Балалар церебрал сал ауруына шалдыққан баламен кездесті, - деп хабарлайды Vesti.kz. 

Қанат Исламның ерекше баламен кездесуінде түсірілген видеосын боксшының PR менеджері Берік Сұлтан әлеуметтік желідегі парақшасына салды. Видеода Әмір есімді бала Қанат Исламның барлық жекпе-жегін көретінін, ол секілді әлем чемпионы болуды армандайтынын айтады.

Youtube сервисіндегі BerikTV арнасында "Әмір сал ауыруымен ауырады. Күннен күнге жағдайы жақсарып келеді. Әр таңда жаттығу жасайды. Арманы Қанат Ислам сияқты боксшы болу", - делінген.

Еске салайық, Қанат Ислам өзінің соңғы кездесуін 26 мамыр күні мексикалық Норберто Гонсалеске қарсы өткізіп, 12 раундтың қорытындысы бойынша төрешілердің шешімімен жеңіске жетті. Сөйтіп орта салмақтағы WBO NABO и WBA Inter-Сontinental тұжырымы бойынша чемпиондық белбеулерін жеңіп алды. Қазіргі уақытта отандасымыздың еншісінде 24 кездесу бар және боксшымыз оның барлығында жеңіске жеткен. 19 кездесуде ол қарсыластарын нокаутқа жіберген.

Бұл жеңісінен кейін Ислам BoxRec порталының рейтингінде бірінші орта салмақтағы боксшылардың арасында 27 сатыға жоғарылап, 26-орынға жайғасты.