Қанат Исламның келесі жекпе-жегі қайда өтеді?

Бірінші орта салмақта WBO NABO, WBA-NABA және WBA Inter-Continental тұжырымы бойынша әлем чемпионы қазақстандық боксшы Қанат Ислам (25-0, 20 КО) келесі жекпе-жегін 23 маусымда Лос-Анджелесте өткізеді, - деп хабарлайды boxrec.com.

Осыған дейін оның жекпе-жегі АҚШ-тың Джорджия штатындағы Атланта қаласында өтетіні айтылған болатын.

Қазақстандық боксшының негізгі қарсыласы америкалық Габриэль Росадо. Росадо 2013 жылы қаңтарда Головкинмен кездесіп, жетінші раунда техникалық нокаутпен жеңілген еді.
Қанат Ислам соңғы жекпе-жегін былтыр қыркүйекте өткізген еді. Ол канадалық Брэндон Кукты (20-1, 13 КО) тоғызыншы раундты нокаутқа түсірді.