Қазақстандық боксшы Абылайхан Жүсіпов үйленді

2017 және 2019 жылдары бокстан әлем біріншілігінің қола жүлдегері Абылайхан Жүсіповтің үйлену тойы өтті, - деп хабарлайды Vesti.kz.

Бұл туралы Қазақстан бокс федерациясының баспасөз қызметі де жазды. 22 жастағы боксшының жары - Индира Рахымберлина. Ол Shamshyraq би ансамблін басқарады. Той Қарағандыда өтті.

Айта кетейік, Екатеринбургте өткен 2019 жылы бокстан әлем біріншілінінің жартылай финалында Жүсіпов ресейлік Андрей Замковтан жеңілген еді. 2017 жылы қазақстандық боксшы Азия біріншілігінің финалына дейін жеткен, ал 2016 жылы 19 жасында Рио Олимпиадасына қатысты. Алайда бірінші раундта жеңіліп, Ойындардан кейін салмақ дәрежесін ауыстырды.