Қазақстандық боксшы Алматыда өткен жекпе-жекте аргентиналықты жеңді

Жеңіл салмақта WBC International белбеуінің иесі Виктор Коточигов аргентиналық Хавьер Хосе Клавьерді жеңіп, белбеуін сақтап қалды, - деп хабарлайды Vesti.kz.

Порталдың мәліметінше, жекпе-жек Алматыда MTK Global кеші аясында өтті. Кездесу он раундқа созылды. Жекпе-жек судьялардың бірауыз шешімімен (100-90) аяқталған.

Бұл 26 жастағы Виктор Коточиговтің кәсіпқой бокстағы 11-кездесуінің 11-жеңісі болды.