Қазақстандық боксшы "Канеломен" спаррингтер видеосын көрсетті

Жартылай орта салмақта жұдырықтасатын қазақстандық боксшы Бобыржан Момынов (10-0, 8 КО) месикалық Сауль "Канело" Альварес (53-2-1, 36 КО) және америкалық Брэндон Риоспен спаррингтер өткізді, - деп хабарлайды Vesti.kz.

Белгілі боксшылармен өткізген жаттығуларының видеосын Момынов Intagram желісінде жариялады.

"Ең мықты болу үшін, ауыр еңбек пен мықтылардан үйрену қажет. Ин шаа Аллах 2020 менің жылым болады!" - деп жазды ол.

Еске салайық, Момынов 2017 жылы Альвареске қазақстандық Геннадий Головкинге (40-1-1, 35 КО) қарсы бірінші жекпе-жекке дайындалуға көмектескен еді.