Қазақстандық кәсіпқой боксшы Батыр Жүкембаев мексикалық қарсыласын нокаутпен жеңді

Қазақстандық кәсіпқой боксшы Батыр Жүкембаев Монреальда мексикалық Рэнди Лосаноны нокаутпен жеңді, - деп хабарлайды Vesti.kz.

Жүкембаев қарсыласын алты раундқа белгіленген жекпе-жектің үшінші раундында құлатты. 25 жастағы қазақстандық қатарынан осымен төртінші рет жеңіп отыр. Барлық жекпе-жегін ол ерте аяқтаған. 

Айта кетейік, Жүкембаев IBF тұжырымы бойынша канадалық экс-чемпион Давид Лемьенің жаттығу лагерінде дайындалады. Батыр бірінші орта салмақта жұдырықтасады.