Қазақстандық нокаутшы кәсіпқой бокстағы жетінші жеңісіне қол жеткізді

Супер ауыр салмақтағы қазақстандық боксшы Жан Кособуцкий кәсіпқой рингтегі жетінші жеңісіне қол жеткізді, - деп хабарлайды Tengrinews.kz тілшісі Vesti.kz порталына сілтеме жасап.

29 жастағы Кособуцкий украиналық 26 жастағы Константин Довбыщенкомен (3-2, 1 КО) жекпе-жек өткізген. Кездесу Минскіде өтіп, 6 раундқа созылған. Нәтижесінде қазақстандық боксшы ұпай айырмасымен жеңіске жетті.

Бұл Жан Кособуцкийдің 2018 жылы өткізген төртінші жекпе-жегі. Оның карьерасы 2017 жылдың қыркүйегінде басталған болатын. Қазақстандық боксшы 12 айда 6 рет мерзімінен бұрын жеңіске жетті. Ал бұл жолы ол тұңғыш реті нокаутсыз жеңіске жетіп отыр.