Қазақстандық тағы бір боксшы Риода жеңіліс тапты

52 келіге дейінгі салмақ дәрежесінде жұдырықтасатын Олжас Сәттібаев Рио Олимпиадасындағы жарыс жолын аяқтады, - деп хабарлайды Vesti.kz. Олжас Сәттібаев 1/8 финалда әзірбайжандық Эльвин Мамишзадеден жеңілді. 

Бірінші раундта төрешілер Мамишзадеге басымдық берді. Ал екінші раундта Сәттібаев белсенді қозғалып, бірнеше нәтижелі шабуыл жасаған. Алайда әзірбайжандық боксшы тағы да үстем болды. Үшінші раундта қазақстандық басым болған. Алайда жалпы есепте Мамишзаде жеңімпаз деп танылып, келесі айналымға өтті. 

Осылайша бокстан Қазақстан құрамасының осымен бесінші мүшесі Рио Олимпиадасын аяқтады.