Сондерс Лемьені жеңген жағдайда Головкин мен "Канело" кездесуінің жеңімпазымен жұдырықтасуға мүмкіндік алады - промоутер

Айдос Қосыбаев

Орта салма?та WBO чемпионы Билли Джо Сондерсті? (25-0, 12 КО) промоутері Фрэнк Уоррен канадалы? Давид Лемьені (38-3, 33 КО) же?ген с?тте, ?лыбританиялы? боксшыны? алдында ?лкен м?мкіндіктер есігі ай?ара ашылатынын м?лімдеді, - деп хабарлайды Vesti.kz.

Орта салмақта WBO чемпионы Билли Джо Сондерстің (25-0, 12 КО) промоутері Фрэнк Уоррен канадалық Давид Лемьені (38-3, 33 КО) жеңген сәтте, ұлыбританиялық боксшының алдында үлкен мүмкіндіктер есігі айқара ашылатынын мәлімдеді, - деп хабарлайды Vesti.kz.

"Канадаға барғанда HBO арнасынан прайм-тайм аламыз, бұл Сондерс үшін өте маңызды. Ол жеңіске жетуі тиіс, сол кезде біз Головкин - Альварес кездесуінің жеңімпазымен жұдырықтасуға мүмкіндік аламыз. Сондерс сонда барып өз миллиондарын алып қайтуы керектігін біледі. Бұл кездесу оған жаңа белестерге шығуға шабыт береді деп сенемін", - деді Уоррен BoxingScene.com порталына берген сұхбатында.

Осыған дейін Сондерстің өзі де Лемьемен өтетін жекпе-жек үлкен балыққа (Головкин - Альварес кездесуінің жеңімпазымен жұдырықтасу) алып келетіні жайлы айтқан еді. Алайда канадалық боксшы да оңайлықпен берілмейтінін, ұлыбританиялықтың нөлін өзгертетінін айтқан еді.

Сондерс пен Лемье жекпе-жегі 16 желтоқсанда Канаданың Лавале қаласындағы Place Bell аренасында өтеді. Жеңмпаз табыстың 70 пайызын алады, ал жеңіліс тапқан боксшы 30 пайызын алады.