Танымал бокс маманы Қанат Исламды Садам Алиге қарсылас болуға лайықтылар қатарына енгізді

The Ring басылымының шолушысы әрі бас редакторы Дуглас Фишер Twitter желісіндегі өз парақшасында бірінші орта салмақта WBO нұсқасы бойынша әлемнің жаңа чемпионы Садам Алиге қарсылас болуы мүмкін боксшылардың тізімін жариялады, - деп хабарлайды Vesti.kz.

Журналист осы тізімге жеңіліп көрмеген қазақстандық боксшы Қанат Исламды қосқан.

"Алидің келесі қарсыласы кім болады деп ойлайсыз? Ол Golden Boy компаниясымен жұмыс істейді және 154 фунтта оған қарсы келетін адамдар аз, - деп сұрады Фишерден қолданушылардың бірі. - Меніңше, WBO рейтингіндегі үздік ондыққа кіретін кез келген боксшы онымен жұдырықтасуға лайықты. Олар Магомед Курбанов, Лиам Смит, Лиам Уильямс, Қанат Ислам және тағы басқалары бар", - деп жауап берді маман.

Қазіргі уақытта WBO нұсқасы бойынша өз салмағында Қанат Ислам үшінші орында тұр.