Токио Олимпиадасы: боксшы Зәкір Сафиуллин келесі кезеңге шықты

Қазақстандық боксшы Зәкір Сафиуллин Токио Олимпиадасында 1/8 финалға жолдама алды, - деп хабарлайды Tengrinews.kz тілшісі.

63 келіге дейінгі салмақта өнер көрсететін Сафиуллин алғашқы кезеңде перулік Леодан Пезо Сабойямен кездесті. Қазақстандық боксшы қарсыласын 5:0 есебімен жеңді. 

Зәкір Сафиуллин Түркістан облысында туған. Құрамадағы тәжірибелі боксшылардың бірі, жасы 34-те. Азия чемпионатына екі мәрте күміс жүлдегер атанған. 

Айта кетейік, бұған дейін 57 келіге дейінгі салмақта өнер көрсететін қазақстандық боксшы Серік Теміржанов та 1/8 финалға жолдама алған еді. 

Еске салайық, қазір Қазақстан қоржынында бір медаль бар. Дзюдошы Елдос Сметов қола жүлде иеленген болатын. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!