Уорд Головкинмен күзде кездескісі келеді

WBA (Super) тұжырымы бойынша екінші орта салмақтағы әлем чемпионы америкалық Андре Уордтың командасы WBA (Super), IBO және WBC (Interim) тұжырымдары бойынша орта салмақта әлем чемпионы Геннадий Головкинмен осы күзде кездесу өткізгілері келеді. Бұл туралы Boxingnews24.com басылымы ESPN сарапшылары мен бокс саласындағы тілші Дэн Рафаэльге сілтеме жасай отырып хабарлады, - деп жазады Vesti.kz.

Басылымның мәліметінше, Уордтың командасы америкалықтың IBF/WBA/WBO тұжырымдары бойынша жартылай ауыр салмақта әлем чемпионы Сергей Ковалевпен 175 фунтта кездесуіне дейін Головкинмен аралық салмақ дәрежесінде жекпе-жек өткізуді жоспарлап отыр.

"Уордтың командасы Головкинмен осы күзде кездесіп, кейін Ковалевпен жекпе-жек өткізгілері келетінін мәлімдеді, - деді Рафаэль ESPN сайтындағы чатында. - Уорд әуелі жартылай ауыр салмаққа өтіп, кейін GGG үшін қайта түскісі келмейді. Егер Головкинмен бәрі жақсы өтсе, олар 175-ке көтеріледі". Толығырақ мына жерден оқи аласыздар.