Ұпай санайтын жағдай туса Бруктың жанкүйерлері ушықтыруы мүмкін - Головкинның бапкері

Орта салмақтағы ең мықты боксшы қазақстандық Геннадий Головкинның бапкері Абель Санчес өзі жаттықтыратын боксшы кездесуде ұпай санауға дейін жеткізбейді деп сенеді, - деп хабарлайды "Чемпионат.com".

"Ұпай санайтын жағдай туса Бруктың жанкүйерлері жағдайды ушықтыруы мүмкін. Ұлыбританияда ең жоғарғы санаттағы стөрешілер қазылық етеді, алайда кез келген адамға тобырдың әсері тиеді, сондықтан да ойдағыдай болмауы мүмкін. Біздің ойымызша, төрешілер шешім шығаруға дейін жеткізбейміз деп үміттенеміз", - деп келтіреді BoxingScene Санчестің сөзін.

Еске салайық, Головкин - Брук кездесуі 10 қыркүйекте Лондонда 20 мың орындық О2 аренасында өтеді. Қазақстан және Kazsport арнаары тікелей эфирден көрсетеді. Көрсетілім Астана уақытымен 23:00-де басталады.