Желіде Головкин - "Канело" жекпе-жегінің жаңа промо-ролигі пайда болды

Желіде қазақстандық Геннадий Головкин мен мексикалық Сауль "Канело" Альварес жекпе-жегінің промо-ролигі пайда болды, - деп хабарлайды Vesti.kz.

Видео YouTube хостингіндегі Gissa Boxing арнасында жарияланды. Онда боксшылардың жаттыққан сәттері мен өткізген жекпе-жектері және нокауттары көрсетілген.

Айта кетейік, Головкиннің "Канелоға" қарсы жаттығу лагері шілде айының орта тұсында басталады. Ал мексикалық екі аптадан кейін жаттығуға оралуды көздеп отыр.

Головкин - Альварес жекпе-жегі 16 қыркүйекте өтеді. Алайда қайда өтетіні әзірше нақты белгілі болмай тұр.