"Жұдырығын қаттырақ батыруды ғана ойлап жүр". Промоутер Головкин мен Альварестің бір-біріне ашуы жайлы

Манас Жантекеев

Сурет AFP©

Орта салма?та бокстан WBС, WBA (Super) ж?не IBO т?жырымдары бойынша ?лем чемпионы Геннадий Головкин (38-0-1, 34 КО) ж?не мексикалы? Сауль "Канело" Альварес (49-1-2, 34 КО) арасында?ы ?арымта жекпе-жек ал?аш?ы ж?дыры?тасу?а ?ара?анда ашулы болуы м?мкін. ?аза?станды?ты? промоутері Том Леффлер осындай пайым жасады, - деп хабарлаайды vringe.com.

Орта салмақта бокстан WBС, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) және мексикалық Сауль "Канело" Альварес (49-1-2, 34 КО) арасындағы қарымта жекпе-жек алғашқы жұдырықтасуға қарағанда ашулы болуы мүмкін. Қазақстандықтың промоутері Том Леффлер осындай пайым жасады, - деп хабарлаайды vringe.com.

Оның айтуынша, осыған дейін болған оқиғалардың бәрінен боксшылар арасында сыйластықтың жұрнағы да қалмады, олардың қалайтыны - бір-біріне жұдырығын қаттырақ батыру болып тұр.

"Осы оқиғалардан кейін, айтыс-тартыс пен бірі-біріне деген ашық жеккөрініштен соң қарымта өте тартысты болмақ. Алғашқы жекпе-жекте промоушен сыйластықпен өтті. Ал осы жолы Альварестің допинг-тесті және Головкиннің 5 мамырда жекпе-жек өткізе алмауы жүйкеге ауыр тиіп жатыр. Жалпы рингте нағыз айқас болады", - дейді Леффлер.

Еске салайық, боксшылар арасында алғашқы жекпе-жек былтыр 16 қыркүйекте тең есеппен аяқталған болатын. Қарымта жекпе-жек Лас-Вегаста 15 қыркүйекке белгіленген.