Алматы мен Астанада жекеменшік жатақханаларға сұраныс артып жатыр

Алматы мен Астанада жекеменшік жатақханаларға сұраныс артып жатыр, - деп хабарлайды "Крыша" сайты. 

Сайт мәліметінше, сатылымға қойылған үлкен жатақханалардың бірі Алматыда орналасқан. 67 бөлмеден тұратын жатақхана "Алтын Орда" базарының маңына салыныпты. Үй иесі 200 миллион теңгеге сатылымға қойылған жатақхананың айына 1 миллион теңге пайда түсіретінін айтып отыр. 90 бөлмеден тұратын осыған ұқсас жатақхана Астана қаласында да салынып жатыр.

Айта кетейік, сұранысқа ие болып жатқан жылжымайтын мүліктердің арасында он шақты бөлмеден тұратын коттедждер де бар. Мұндай үйлер жалға беруге арналып салынады. Қаладағы арнайы аудандардан осындай үйлерді көп кездестіруге болады.