Арыста 5 мың үйге жөндеу жұмыстары жүргізіліп жатыр

22 Шілде, 13:51
0
Арыста 5 мың үйге жөндеу жұмыстары жүргізіліп жатыр -

Бүгінгі таңда Арыс қаласының 1875 үйінде қалпына келтіру жұмыстары аяқталды, - деп хабарлайды Тengrinews.kz тілшісі ИИДМ баспасөз қызметіне сілтеме жасап. 

ҚР Индустрия және инфрақұрылымдық даму министрлігінің деректеріне сәйкес, қала шартты түрде бөлінген 17 секторда қазір 7324 жұмысшы жұмыс істейді. Олар 4804 жеке тұрғын үй мен көп қабатты үйлерді салу және жөндеу жұмыстарымен айналысып жатыр.

Құрылысшылар термометр бағанасы күндіз Арыста 45 градустан төмен түспесе де, штаттық режимде жұмыстарын жалғастырып жатыр.    

"Жұмыс күні таңғы алтыға қарай басталады және сағат 13.00-ге дейін жалғасады. Содан кейін сағат 13.00-ден 16.00-ге дейін құрылысшыларға үзіліс жариялаймыз. Адамдарға демалыс береміз, өйткені аптап ыстық күннің астында жүру мүмкін емес. Құрылысшылар сағат төрт жарымдар шамасынан бастап кешке дейін жөндеу жұмыстарын жалғастыруда. Басқалай болуы мүмкін емес", - деді ҚР индустрия және инфрақұрылымдық даму бірінші вице-министрі Қайырбек Өскенбаев.

Естеріңізге сала кетейік, ҚР ИИДМ вице-министрі Арыс қаласында төтенше жағдайдың алғашқы күндерінен бері жұмыс істеуде. Министрлік мамандары құрылыс барысын қадағалайды. Қаланы қалпына келтіруге еліміздің барлық өңірлері мен республикалық маңызы бар қалалар қатысуда.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай