20 желтоқсан 2020 | 11:14

2020 жылдың ең танымал актерлері аталды

Google компаниясы 2020 жылдың ең танымал актерлерін атады. Тізімде америкалық актер Том Хэнкс көш бастап тұр, - деп хабарлайды Tengrinews.kz тілшісі.

Google компаниясы 2020 жылдың ең танымал актерлерін атады. Тізімде америкалық актер Том Хэнкс көш бастап тұр, - деп хабарлайды Tengrinews.kz тілшісі.

Айта кетейік, Том Хэнкс COVID-19 жұқтырғанын мәлімдеген алғашқы атақты адамдардың бірі. Бұл оның көш басында болуға әсер еткен. Қазіргі таңда ол аурудан толық айыққан.

Одан кейін тізімді ең үздік актер ретінде "Оскар" сыйлығын алған Джоакин Финикс пен үнді актері Амитабх Баччан тұр. Баччан да коронавирус жұқтырып, ауруханаға түскен еді.

Төртінші орында актер және комик Рики Джервейс тұр. Ол "Алтын глобус" сыйлығын алған болатын.

Бесінші орынды Джада Пинкетт-Смит алып, ең танымал актриса атағына ие болды.

Уилл Смиттің әйелі көпшілік алдында сатқындығын мойындаған еді. Бұл жағдай қоғамды таңғалдырып, интернетте рекорд орнатты. Тіпті, оның шоу бағдарламада сатқындығын мойындауы Facebook-те жарияланып, әлеуметтік желі тарихында 24 сағат ішінде ең көп қаралған видео атанды. Алғашқы сағатта оны 2 миллионнан аса адам көрген.

Посмотреть эту публикацию в Instagram

Публикация от Jada Pinkett Smith (@jadapinkettsmith)

Сонымен қатар, Джастин Хартли мен Леа Мишель алтыншы және жетінші орынға жайғасты. Ал рейтингтің көш соңында мексикалық актер Элеасар Гомес, "зорлық жасады деп айыпталған " актер Энсель Элгорт, жол апатында адам өлтіргені үшін сотталған ресейлік актер Михаил Ефремов тұр.