Арнольд Шварценеггер өз ескерткішінің алдында ұйықтап жатқан суретін жариялады

Арнольд Шварценеггер заман талабына сай, әріптестері сыңайлы Instagram желісінің тұрақты қолданушысы болып алды. Бұл ретте Голливуд жұлдызы желіге езуге күлкі үйірер суретін жүктеді, - деп хабарлайды 24.kz. Сурет желіде нағыз хитке айналды.

Суретте актер өз ескерткішінің алдына жантайып, ұйқыға кеткені бейнеленген. "Заманның өзгергені-ай" деген жазба қалдырыпты суреттің астына.

Қолданушылардың көбі актердің бұл әзілін орынды бағаласа, енді бірі бүгінгі аумалы-төкпелі заманда бұлай әзілдеуден аулақ болуға шақырды.

Огайо штатында бұл ескерткіш 2014 жылдың күзінде пайда болды. Дәл осындай ескерткіш актердің Австриядағы музейінде орнатылған.