Леонардо Ди Каприо Леонардо да Винчидің ролінде ойнайды

Америкалық актер Леонардо Ди Каприо суретші әрі ғалым Леонардо да Винчи туралы фильмде басты рольде ойнайды, - деп жазады Deadline.

Басылымның мәліметінше, актер бұл фильмде тек актер болып қоймай, сондай-ақ, фильм продюсерлерінің бірі болады. Әзірше фильмнің атауы жоқ, түсірілім жұмыстары қашан басталатыны да белгісіз. Бірақ түсірілім жұмыстарын Paramount кинокомпаниясы жүргізетіні белгілі болды.

© Wikipedia

Фильмге америкалық жазушы әрі журналист Уолтер Айзексонның биыл 2017 жылдың күзінде жарыққа шығатын "Леонардо да Винчи" кітабы негіз болған. Айта кетейік, Уолтер Айзексон танымал адамдардың биографиялық кітаптарын жазуымен айналысады.

Ди Каприоның өзі болса бұл рольде ойнағысы келетінін айтады.