"Тақтар ойыны" саундтрегі қобызбен орындалды

Қазақстандық диджей танымал "Тақтар ойыны" сериалындағы әуенінің өз нұсқасын жасады, - деп хабарлайды Tengrinews.kz тілшісі.

Ремиксті DJ Byke (Баур Шакиров) дайындаған. Ал композицияның видеосында оның ұлы түсіпті. 

Тақтар ойыны (Game of Thrones) - жазушы Джордж Мартиннің "Мұз бен от жыры" атты романдар желісі бойынша түсірілген фэнтези жанрындағы америкалық драмалық телесериал.

Айта кетейік, "Тақтар ойыны" киносының жетінші маусымының соңғы сериалы қаралым жағынан рекорд орнатты. "Айдаһар және қасқыр" деп аталған жетінші маусымның финалдық эпизодын шамамен 16 миллион адам тамашалаған. 

НВО арнасының ең танымал "Тақтар ойыны" туындысының келесі, сегізінші маусымы алты сериядан ғана тұрады және ол 2019 жылы шығады. 

Сонымен қатар, суретші Қанат Нұртазин арнайы Tengrinews.kz үшін "Тақтар ойыны" кейіпкерлерін Астанаға "әкелді".