Абылай Мырзахметов уақытша ұстау изоляторына қамалды

Абылай Мырзахметов ұсталып, уақытша ұстау изоляторына қамалды, - деп хабарлайды Tengrinews.kz тілшісі Сыбайлас жемқорлыққа қарсы қызметтің баспасөз қызметіне сілтеме жасап.

"10 мамырда Сыбайлас жемқорлыққа қарсы қызмет агенттігі "Атамекен" Ұлттық кәсіпкерлер палатасының басқарма экс-төрағасы Мырзахметовты А.И. ұстап, Астана полиция департаментінің уақытша ұстау изоляторына қамады", - деді Антикор.

Қазіргі уақытта қылмыстық іс бойынша кешенді жедел-іздестіру шаралары жүргізіліп жатыр. Оның басқа да қылмыстарға қатысы бар-жоғы тексеріліп жатыр.

Тергеу жалғасады. Қылмыстық іс жүргізу кодексінің 201-бабына сәйкес, тергеу мүддесін көздейтін өзге де мәліметтерді таратуға болмайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!