Адам саудасымен айналысты деген күдіктілер Алматыда сот алдында жауап береді

Алматыда адам саудасымен айналысты деген үш күдікті сот алдында жауап береді, - деп хабарлайды Tengrinews.kz тілшісі.

"Алматы қалалық Түрксіб аудандық сотына ҚР Қылмыстық кодексінің 128-бабы 3-бөлігі ("Адам саудасы, Қазақстан Республикасының шегiнен тысқары жерге әкету") бойынша айыпталған Г. Хан, Ұ. Мерейқызы және Г. Қылышбаеваға қатысты қылмыстық іс материалдары келіп түсті", - делінген Алматы қалалық сотының сайтында. 

Қылмыстық қудалау органы күдікті Г. Хан, Ұ. Мерейқызы және Г. Қылышбаевалардың жеке тұлғаға қатысты қасақана ауыр қылмыс істегенін, яғни адам саудасымен айналысқанын айтады.