Адам ұрлады деген күдікке ілінген қазақстандық Беларусьтен экстрадицияланды

Бүгін, 22 мамырда Бас прокуратураның және Қазақстан Республикасы ІІМ Интерполының қызметкерлері Беларусьтен Владимир Тургуновты экстрадициялады, - деп хабарлайды Tengrinews.kz тілшісі бас прокуратураның баспасөз қызметіне сілтеме жасап.

"Ол қару қолдану арқылы қарақшылық шабуылды, адам ұрлауды және 100 миллион теңгеден астам сомаға бөтеннің мүлкін ұрлауды ұйымдастыруға күдіктеліп отыр. Қылмысты жасағаннан кейін күдікті қылмыстық қудалау органдарынан жасырынған, осыған байланысты халықаралық іздеуге жарияланған", - делінген хабарламада.

Қазіргі уақытта Тургунов Нұр-Сұлтан қаласының уақытша ұстау изоляторына қамалды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!