Ақмола облысында кәсіпкерлер мемлекетке миллиардтаған шығын келтірді

Елорда мен Ақмола облысының тұрғындары мемлекетке 1,7 миллиард теңгеден аса шығын келтірді, - деп хабарлайды Tengrinews.kz тілшісі.

Олар бюджетке аса ірі мөлшерде салық төлеуден жалтаруға тырысып, бизнес субъектілеріне жалған шот-фактура жазған.

Бұл дерек бойынша ҚР ҚК-ның 216-бабы 3-бөлігі бойынша қылмыстық іс тіркелген.

"Тергеу барысында айыпталушылар заңға қайшы әрекетімен мемлекетке 1,7 миллиард теңгеден аса сомаға материалдық залал келтіргені анықталды", - делінген прокуратура хабарламасында.

Сотқа дейінгі тергеу жалғасып жатыр. Тергеу мүддесі үшін басқа деректер жария етілмеді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!