Ақмола облысында қоқыс жәшігімен банкоматтарды сындырған ер адам видеоға түсіп қалды

Ақмолалық мас ер адам қоқыс жәшігімен банкоматтарға залал келтірген, - деп хабарлайды Tengrinews.kz тілшісі polisia.kz-ке сілтеме жасап.

Атбасар аудандық полиция басқармасына банк қызмет көрсету орталықтарының бірінің басшысынан арыз келіп түсті.

Ол 28 наурыз күні сағат 02:40 шамасында белгісіз адамның қаржы ұйымына тиесілі екі банкоматқа зақым келтіргенін хабарлаған.

Шығын - 2,7 млн теңге. Қылмыскердің барлық әрекеті банктің бейнебақылау камерасына түсіп қалған. Қылмысқа қатысы бар адам анықталды. Қазір істің басқа да мән-жайлары анықталып жатыр.

ҚР Қылмыстық кодексі 202-бабының 1-бөлігі бойынша сотқа дейінгі тергеу басталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!