21 сәуір 2022 | 14:33

"Ақша Украина банкіне кеткен": Павлодар тұрғыны алаяқтарға 40 миллион теңге аударған

Гүлнара Досымшалова Корреспондент

Иллюстрация: elements.envato.com

Павлодар тұрғыны алаяқтардың есепшотына 40 миллион теңге аударған. Белгілі болғандай, ақша аударымы украиналық банктердің біріне түскен, - деп хабарлайды Tengrinews.kz тілшісі.

Павлодар тұрғыны алаяқтардың есепшотына 40 миллион теңге аударған. Белгілі болғандай, ақша аударымы украиналық банктердің біріне түскен, - деп хабарлайды Tengrinews.kz тілшісі.

Полицияның мәліметінше, ер адам белгісіз интернет алаяқтарының құрбаны болған.

"Павлодар тұрғынына белгісіз адам хабарласып өзін банктің қауіпсіздік қызметінің қызметкері ретінде таныстырып, оның атына біреулер несие рәсімдеп жатқанын хабарлаған. Әрі қарай, оның шотында алаяқтар ұрлап алатындай ақша бар ма деп сұраған. Ер адам депозитте және ағымдағы шотта ақша бар екенін, оның сомасын айтқан. Қоңырау шалушылар бұл ақшаны басқалар алмайтын қауіпсіз шотқа аудару керек екенін айтып, банк нөмірін айтады. Жәбірленуші ақшаны сол шотқа аударған", - деді Павлодар облысы ПД криминалдық полиция басқармасының киберқылмыспен күрес бөлімінің жедел уәкілі Аман Әубәкіров.

Полиция қызметкерінің айтуынша, ұрланған қаражат көлемі 40 миллион теңге.