Ақтауда белгісіз біреулер мейрамханада полицейді ұрып-соққан

Ақтауда белгісіз біреулер полицейді ұрып-соғып, формасын жыртып кеткен, - деп хабарлайды Lada.kz.

Басылымның мәліметінше, бұл оқиға Ақтаудағы мейрамханалардың бірінде болған.

Кафеге келушілер полицейдің құжаттарды көрсету туралы талабына жауап ретінде оны ұрып-соғып, формасын жыртып кеткен. Ақтау қалалық соты осы іске қатысты сот үкімін шығарды.

"Іс материалдары бойынша, Яков пен Карим қаладағы мейрамханалардың бірінде отырған, мас күйде болған. Полиция қызметкерлерінің құжат көрсету туралы заңды талабына жауап ретінде осындай әрекет жасаған. Полицейді бірнеше рет ұрып-соғып, формасын жыртып жіберген", - деп жазады басылым.

Сот мәліметінше, ер адамдар ҚР Қылмыстық кодексінің 378-бабының 1-бөлігі және 380-баптың 1-бөлігі бойынша айыпты деп танылып, 1 жылға бас бостандығынан айырылды. Сот үкімі кеше шыққан.

Қазақстан жаңалықтары. Соңғы жаңалықтар. Telegram желісінде бізге жазыл!