Ақтауда ер адам жанармай құю бекетін тонап кеткен: видео

Ақтауда жанармай құю бекетін тонаған күдікті ұсталды, - деп хабарлайды Tengrinews.kz тілшісі ІІМ баспасөз қызметіне сілтеме жасап.

ІІМ мәліметінше, түнде жанармай құю бекетінде белгісіз ер адам кассирге пышақ көрсетіп, қорқытып, ақша талап еткен. Күдікті қолма-қол қаражатты иемденгеннен кейін оқиға орнынан бой тасалаған.

Аталған дерек бойынша соталды тергеп-тексеру басталған.

"Жедел әрекеттерінің нәтижесінде күдікті бір сағат ішінде қолға түсіп, уақытша ұстау изоляторына қамалды. Тергеу барысында ол өз кінәсін толық мойындады", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!