Ақтауда қарулы топтың ұсталған сәті видеоға түсірілді

Ақтауда полиция қызметкерлері қарулы топты ұстады, - деп хабарлайды Polisia.kz.

Олар облыс аумағында деструктивті діни ағымдар өкілдерін қадағалау барысында ұсталды.

"8 желтоқсанда Маңғыстау облысы полиция департаментінің экстремизмге қарсы іс-қимыл бөлімшесінің қызметкерлері мен жедел әрекет ету тобы жедел-іздестіру іс-шарасы барысында Ақтау қаласының 1-шағын ауданы маңында 3 көлікте болған қарулы топты ұстады", - делінген хабарламада.

Олардан 3 атыс қаруы, 4 травматикалық тапанша және оқ-дәрілер табылды.

Бұл факт бойынша Ақтау қаласының полиция басқармасы ҚР Қылмыстық кодексінің 287-бабы 2-бөлігі бойынша сотқа дейінгі тергеуді бастады.

Маңғыстау облысы полиция департаментінің мәліметінше, қазіргі таңда сот-баллистикалық сараптамасы тағайындалған, тергеу жүргізіліп жатыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!