Ақтөбеде 6 мектепке "мина қойылды" деген хабар тексерілді

Ақтөбеде алты мектепке "мина қойылды" деген жалған ақпарат тарады, - деп хабарлайды Tengrinews.kz тілшісі Polisia.kz сайтына сілтеме жасап.

Ақтөбе қаласында 1 қыркүйекте сағат 8.30 шамасында №2 орта мектептің электрон мекенжайына алты мектепке (№1, 2, 21, 22, 51 және 56 орта мектеп) "мина қойылғаны" туралы хабарлама келген. Оқиға орнына барлық жедел қызмет пен саперлер тобы дереу жіберілген. Сондай-ақ, оқушылар, қызметкерлер мен мектептің техникалық қызметкерлері эвакуацияланған.

"Қазір хабарлама авторын анықтау және ұстау бойынша жедел шаралар жүргізіліп жатыр. Бұл факт бойынша ҚР Қылмыстық кодексінің 273-бабы "Терроризм актісі туралы қасақана жалған хабарлау" іс қозғалған", - деді полиция өкілі.

Бұл баптың санкциясы бес жылға дейін бас бостандығынан айыру түріндегі жазаны қарастырады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!