Алматы барахолкасында күзетшілер пышақтасқан

Алматыда "Рахат" базарында күзетшілер арасында жанжал болған, - деп хабарлайды СТВ телеарнасындағы "Территория происшествий" бағдарламасының тілшісі.

Телеарнаның мәліметінше, "Рахат" базарында күзетші мен оның бұрынғы әріптесі екеуі ішімдік ішіп, сөзге келіп қалған. Содан бірі екіншісіне екі рет пышақ салған. Нәтижесінде зардап шеккен адам қашпақшы болады. Бірақ солтүстік айналымға келгенде ер адам көп қан жоғалтқандықтан есінен танып қалған.

Оқиға орнына жедел жәрдем қызметі барған. Ер адам ауыр жағдайда ауруханаға жеткізілді. Қазіргі уақытта дәрігерлер оның өмірі үшін күресіп жатыр

Күзетші өз кінәсін мойындады. Полиция оқиғаның мән-жайын анықтап жатыр.

© "Территория происшествий"