Алматыда басшы мен есепші 6 миллион теңге пара алмақ болған: Оқиғаның мән-жайы

Мөлдір Қалықова

Алматыда ауыр атлетикадан олимпиадалық даярлау орталығының басшысы мен бас есепшісі парамен ұсталды, - деп хабарлайды КТК телеарнасы.

Телеарнаның мәліметінше, оларға аса ірі көлемде пара алды деген айып тағылды. Күдіктілер қазір тергеу абақтысында жатыр.

Ауыр атлетикадан олимпиадалық даярлау орталығының басшысы мен бас есепшісі бір кәсіпкермен алдын ала сөз байласып, одан сыйақы ретінде 6 миллион 625 мың теңге көлемінде пара алмақ болған делінеді. Осылайша мекеме басшысы кәсіпкермен Жамбыл облысында зілтеміршілердің оқу-жаттығу жиындарын өткізу бойынша мемлекеттік сатып алу туралы келісімшарт жасауды жоспарлапты. Алайда олардың қылмысын Сыбайлас жемқорлыққа қарсы агенттік өкілдері әшкере етті.

Қазір сотқа дейінгі тергеу амалдары жүргізіліп жатыр.

Ұстау Сыбайлас жемқорлық Пара Алматы

Автор сұрағы

Жолдау

Пікірлер редакция тарапынан модерациядан өтеді

Пікірлерді оқу