Алматыда кеден қызметкері ұсталды

Алматыда кеден бекетінің қызметкері пара алды деген күдікпен ұсталды, - деп хабарлайды Tengrinews.kz.

Алматы қалалық Мемлекеттік кірістер департаментінің түсіндіру жұмыстары басқармасының мәліметінше, 24 тамызда И. арызы бойынша жедел тергеу шараларын жүргізу барысында Ішкі қауіпсіздік басқармасының қызметкерлері "Жетісу" бекетінің қызметкері ҚР Қылмыстық кодексінің 366-бабы 2-бөлігі ("Пара алу") бойынша күдікті ретінде ұсталды. 

Сонымен қатар, осы дерек сотқа дейінгі тергеудің бірыңғай реестріне тіркелген. 

"Барлық азаматты мемлекеттік кірістер органдары қызметкерлерінің тарапынан және де басқа да адамдардың тарапынан заңға қайшы әрекеттердің куәгері болсаңыз Алматы қалалық МКМ қауіпсіздік қызметінің сенім телефонына хабарласуыңызды сұраймыз: 279-29-56 немесе 8 778 918 60 15", - делінген ведомство хабарламасында.