Алматы облысы ТЖД басшысының орынбасары сыбайлас жемқорлыққа қатысы бар деген күдікке ілінді

Алматы облысы ТЖД бастығының орынбасары мен Қапшағай ТЖ бөлімінің бастығы казино иесінен пара алды деген күдікке ілінді, - деп хабарлайды Tengrinews.kz тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

"Алматы облысы бойынша Сыбайлас жемқорлыққа қарсы қызмет сыбайлас жемқорлық жасады деген күдікпен Алматы облысы Төтенше жағдайлар департаменті бастығының орынбасары (үйқамақ түріндегі бұлтартпау шарасы таңдалды) және Алматы облысы Қапшағай қаласының Төтенше жағдайлар бөлімінің бастығы әшкереленді. Олар алдын ала сөз байласу арқылы казино иесінен 1000 АҚШ доллары сомасында қамқорлық үшін пара алды", - делінген хабарламада.

Сыбайлас жемқорлыққа қарсы іс-қимыл агенттігінің мәліметінше, тергеу жалғасып жатыр. ҚПК-нің 201-бабы бойынша, тергеу мүддесіне сай басқа да мәліметтер жарияланбайтыны айтылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!