Алматы облысында той кортежінің қатысушыларына айыппұл салынды

Алматы облысында той кортежін жүргізгендерге айыппұл салынды, – деп хабарлайды Polisia.kz.

17 қыркүйекте Қарасай АПБ полицейлері Жандосов к-сінің бойымен келе жатқан үйлену той кортежіндегі ВМW, Mercedes, "Ваз-2107", "Ваз-21014" маркалы автокөліктерінің төрт жүргізушісінен он әкімшілік құқық бұзушылықты анықтаған.

"Олардың әрқайсысына тиісті хаттама толтырылды: "Көлік құралдарын пайдалану қағидаларын бұзу", "Көлік құралына арнайы жарық және (немесе) дыбыс сигналдарын беруге арналған құрылғыларды орнату қағидаларын бұзу не жедел және арнайы қызметтер автомобильдерінің арнайы түсті-графикалық схемаларын заңсыз жазу", "Көлік құралын құжатсыз және басқару құқығы жоқ адамның басқаруы", - дейді полициядағылар

Төрт көлік те айыптұрағына қойылды.

Қазақстан жаңалықтары. Соңғы жаңалықтар. Telegram желісінде бізге жазыл!