Алматыда адам өлтіруге оқталды деген күдіктілер видеоға түсіп қалды

Алматыда полицейлер халықаралық іздеуде жүрген екі күдіктіні ұстады, - деп хабарлайды Tengrinews.kz тілшісі Қызылорда облысының ПД сілтеме жасап.

Күдіктілер тамыздан бастап ҚР ҚК-нің 293-бабы 3-бөлігінің 2-тармағында ("Атыс қаруын қолдана отырып жасалған бұзақылық"), 24-бабының 3-бөлігінде және 99-бабы 2-бөлігінің 7, 9-тармақтарында ("Бұзақылық ниетпен адамдар тобының алдын ала сөз байласуы бойынша жасалған кісі өлтіруге оқталу") көрсетілген қылмыстарды жасағаны үшін халықаралық іздеуде болған.

13 қарашада Қызылорда облысының полиция департаменті криминалдық полиция басқармасының қызметкерлері Алматы облысы ПД криминалдық полиция басқармасымен бірлесіп күдіктілерді Алматы қаласының Түрксіб ауданындағы жалға алынған пәтерде ұстады. Оларға қатысты күзетпен ұстау түріндегі бұлтартпау шарасы таңдалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!