Алматыда аса ірі көлемде алаяқтық жасады деген күдікке ілінген әйел ұсталды

Алматыда аса ірі көлемде алаяқтық жасады деген күдікпен 26 жастағы әйел ұсталды. Бұл туралы Алматы Полиция департаменті бастығының орынбасары Рустам Абдрахманов Instagram-парақшасында айтты, - деп хабарлайды Tengrinews.kz тілшісі.

Ұсталған адам Түркістан облысының тұрғыны болып шықты. Ол бірнеше рет алдау арқылы біреудің мүлкін ұрлаған. Бұл іс Қылмыстық кодекстің 190-бабы, 4-бөлігі, 2-тармағы бойынша қаралады.

А. есімді әйел адамдарға уәде беріп, шетелдік компанияға ақша салу арқылы қаржыларын екі есе көбейтемін деп сендірген. Ақша алғаннан кейін әйел жоғалып кеткен.

Бір адамнан ол 7 миллионнан 20 миллион теңгеге дейін ақша алған.

Қазір соталды тергеудің бірыңғай тізілімінде алдау бойынша 10 дерек тіркелген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!