Алматыда әйелді таяқпен сабаған ер адам видеоға түсіп қалды

Алматыда егде жастағы әйелді ұрып-соғып жатқан ер адам видеоға түсіп қалды, - деп хабарлайды Tengrinews.kz тілшісі.

Оқиға Алатау ауданындағы жеке секторда болған. Бейнебақылау камерасына түсіп қалған видеода алдымен екі әйел арасында жанжал шыққаны, кейін бір ер адам шығып, зейнеткерді ұра бастағаны көрінеді. Толық ақпарат әлі жарияланған жоқ. Алматы полициясы тексеруді 1 мамырда бастаған.

"Алатау ауданы ПБ қызметкерлеріне құқықбұзушылар әрекетіне баға беру үшін қажетті дәлелдемелерді жедел жинап, есепке алу тапсырылды", - деді ПД бастығының орынбасары Рустам Әбдірахманов.

Тексеріс барысы мен нәтижелері Алматы Полиция департаменті бақылауына алынған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!