Алматыда дезинфекция затын заңсыз дайындағандар ұсталды

Алматыда ірі көлемде "Септохим" маркалы дезинфекция затын заңсыз дайындау және сату дерегі анықталды, - деп хабарлайды Tengrinews.kz тілшісі ҚМА мәліметіне сілтеме жасап.

"Жедел іздестіру шаралары барысында бұл өнімді заңсыз өндірген тұлғалар ұсталып, кәсіпорын кеңсесі мен өндірістік цехы анықталды. Іздестіру шаралары нәтижесінде әрқайсының сыйымдылығы 5 литрлік 300-ден аса бөтелке табылып, тәркіленді. Заңсыз өндірілген және өткізілген контрафактілік "Септохим" маркалы дезинфекция затынан келтірілген материалдық залал сомасы 20 миллион теңгеден асады", - делінген хабарламада.

Қазір бұл дерек бойынша соталды тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!