Алматыда электрсамокат ұрлаған жігіттің видеосы тарады

Алматыда электрсамокат ұрлаған жігіт видеоға түсіп қалды, - деп хабарлайды Tengrinews.kz тілшісі.

Әлеуметтік желілерде жарияланған видеодан ұрының жер үйге кіріп, самокатты алып кеткені көрінеді.

 Алматы қаласы полиция департаменті баспасөз қызметінің мәліметінше, бұл оқиға Алатау ауданында болған.

"102 нөміріне ешкім хабарласқан жоқ. Полицияға да ешкім хабар берген жоқ. Бұл туралы әлеуметтік желілерден көрдік. Расында да ұрлық болған. Күдіктіні ұстауға бағытталған жедел топ құрылды, таяуда ол ұсталады. Қылмыс міндетті түрде ашылады", - деді қалалық полицияның ресми өкілі Салтанат Әзірбек.

Қазақстан жаңалықтары. Соңғы жаңалықтар. Telegram желісінде бізге жазыл!