Алматыда ер адам өлі табылды

Алматыда Райымбек даңғылында түнде ер адамның мәйіті табылды. Алматы полиция департаменті оқиғаға қатысты түсінік берді, - деп хабарлайды Tengrinews.kz тілшісі.

Ер адам Nurly Dala тұрғын үй кешенінің алдында табылған. 

"Бұл дерек Қазақстан Қылмыстық кодексінің 99-бабы 1-бөлігі бойынша (Адам өлтіру - автор.) соталды тергеудің бірыңғай тізілімінде тіркелді. Істі Наурызбай аудандық полиция басқармасы тергеп жатыр. Ер адамның кім екені анықталды. Ол Алматы облысының 1972 жылы туған тұрғыны болып шықты", - деп хабарлады Алматы ПД өкілдері.

Өлім себебін анықтау үшін сот-медициналық сараптама тағайындалды. Сонымен қатар, кінәліні анықтау үшін жедел шаралар кешені басталды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!