Алматыда ер адам полицияға оқ атты

Алматыда ер адам тәртіп сақшысына оқ атты, - деп хабарлайды Tengrinews.kz тілшісі.

Полиция күдіктіден қаруды алу үшін арнайы жасақ шақырған. "102" қызметіне әйел хабарласып, отбасындағы жанжалдан кейін күйеуі өз-өзіне қол салмақ болғанын айтқан. 

"Оқиға орнына учаскелік полиция инспекторы, аға лейтенант Фархат Режапов барды. Ол осы тұрғын үйдің ауласында оқ атылғанын естіпті: екінші қабаттағы пәтерде полицияға хабарласқан әйелдің күйеуі оқ атқан. Алайда оқ тәртіп сақшысына тимей ол аман қалған. Күдіктіден қаруды полицияның арнайы жасағы алған", - дейді Алматы қаласы полиция департаментінің баспасөз қызметі.

37 жастағы ер адам тіркелген аңшы қаруынан оқ атқан. Ол есірткі қолданған.

Қазір таңда күдікті Алмалы ауданының полиция бөлімінде қамауда отыр.

Қазақстан жаңалықтары. Соңғы жаңалықтар. Telegram желісінде бізге жазыл!