+7 (777) 001 44 99
Қазақша
Русский
English
20 желтоқсан 2021 | 09:16
Алматыда жарысқан автобус жүргізушісі жазаланды
Алматыда жол ережесін өрескел бұзған жолаушылар автобусының жүргізушісі жауапқа тартылды. Бұл туралы қалалық полиция департаменті бастығының орынбасары Рүстем Әбдірахманов Instagram-да мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Алматыда жол ережесін өрескел бұзған жолаушылар автобусының жүргізушісі жауапқа тартылды. Бұл туралы қалалық полиция департаменті бастығының орынбасары Рүстем Әбдірахманов Instagram-да мәлімдеді, - деп хабарлайды Tengrinews.kz тілшісі.
Жақында әлеуметтік желіде №71 бағытындағы автобус жүргізушісі басқа автобусты басып озу үшін жол ережесін өрескел бұзып, кейін оның жолын жауып тастағаны туралы видео тараған болатын.
"Ол не істеп жүр? Екеуі бәйге ұйымдастырып жүр ме? Мынау қоғамдық көлік қой, ішінде толған адам", - дейді видеоны түсіріп тұрған адам.
Тәртіп бұзған жүргізуші 1962 жылы туған азамат болып шықты. Мынадай әкімшілік құқықбұзушылықтарды жасағаны үшін жауапкершілікке тартылды:
595-баптың 1-бөлігі (Жол жүрісі қағидаларының жүру, қайта ауыстыру, бұрылу, кері бұрылу немесе тоқтау алдындағы сигнал беру талабын орындамау - бес айлық есептік көрсеткіш мөлшерінде айыппұл салуға әкеп соғады);
596-баптың 3-бөлігі (Егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына, оның ішінде кері бұрылып немесе бұрылыс жасап шығу - алты ай мерзімге көлік құралдарын басқару құқығынан айыруға әкеп соғады);
606-баптың 1-бөлігі (Жол жүрiсiне қатысушының авариялық жағдай туғызуға әкеп соққан, яғни жол жүрiсiне басқа да қатысушыларды жүру жылдамдығын, бағытын күрт өзгертуге мәжбүр етiп, жол жүрiсi қағидаларын бұзуы - он айлық есептiк көрсеткiш мөлшерiнде айыппұл салуға әкеп соғады).
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
