Алматыда жезөкшелер қызмет көрсеткен үш массаж салоны әшкере болды

Алматыда үш массаж салоны әшкере болып, жойылды, - деп хабарлайды Tengrinews.kz тілшісі Polisia.kz сайтына сілтеме жасап.

Криминалдық полиция мәліметі бойынша, олар Бостандық және Медеу аудандарында орналасқан.

Алматы қаласы ПД криминалдық полиция басқармасының бастығы Қуатбек Науатовтың айтуынша, интим-салондар коттедждерде орналасқан және оған келушілер саунаға, спа-орталықтарына бара алады.

"Үш нысанда жезөкшелікпен айналысқан 20 әйел және үш әкімші ұсталды. Салон жұмысшыларының екеуі Өзбекстан және Ресей Федерациясының тумалары, тағы біреуі – Қырғызстан Республикасының азаматы. Мекеме қызметкерлері жеке басын тексеру және жауапкершілікке тарту үшін қалалық Полиция департаментіне жеткізілді. Жезөкшелік пен оны ұйымдастыруға орын берген ғимарат иелеріне де шара қолданылды", - деді Алматы қалалық ПД Криминалдық полиция басқармасының бастығы Қуатбек Науатов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!