+7 (777) 001 44 99
Қазақша
Русский
English
30 мамыр 2023 | 17:36
Алматыда жоқ адамдарды "жұмысқа алған" аурухананың бас дәрігеріне үкім шықты
Алматыда емхана қызметкерлеріне қатысты үкім шығарылды, - деп хабарлайды Tengrinews.kz тілшісі.
ПОДЕЛИТЬСЯ
Алматыда емхана қызметкерлеріне қатысты үкім шығарылды, - деп хабарлайды Tengrinews.kz тілшісі.
Олар аса ірі мөлшерде бөтеннің мүлкін ұрлады деп айыпталды (Қылмыстық кодекстің 189-бабы 4-бөлімі 2-тармағы).
Сот емхананың бас дәрігері бас бухгалтермен және кадрлар бөлімінің инспекторымен алдын ала келісіп, жеті жыл бойы 2015 жылғы сәуір мен 2022 жылғы наурыз аралығында қылмыс жасағанын анықтады.
Олар шын мәнінде, жұмыс істемейтін адамдарды жұмысқа алу туралы бұйрықтарды рәсімдеп, ай сайын ресми түрде жұмысшылардың шоттарына жалақы аударып отырған. Содан кейін оны өз қажеттіліктеріне жұмсаған. Барлығы 19 "адам" осылай рәсімделген.
Сот мәліметінше, емхана қызметкерлері заңсыз әрекеттерімен мемлекетке 79 миллион теңгеден аса шығын келтірген.
Сот сотталушыларды кінәлі деп тапты. Бухгалтер мен кадрлар бөлімінің қызметкері шартты мерзімге сотталды.
Ал емхананың бас дәрігері мемлекеттік органдарда қызмет атқару құқығынан өмір бойына айырыла отырып, орташа қауіпсіз ҚАЖ мекемесінде жазасын өтей отырып, 7 жыл мерзімге бас бостандығынан айырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
