+7 (777) 001 44 99
Қазақша
Русский
English
07 ақпан 2022 | 12:44
Алматыда қарияға шабуыл жасаған ер адам ұсталды
Алматы полициясы қарияға таяқпен шабуылдаған көлік жүргізушісі ұсталғанын хабарлады, - деп хабарлайды Tengrinews.kz тілшісі.
ПОДЕЛИТЬСЯ
Алматы полициясы қарияға таяқпен шабуылдаған көлік жүргізушісі ұсталғанын хабарлады, - деп хабарлайды Tengrinews.kz тілшісі.
Алматы Полиция департаменті мәліметінше, бұл дерек әлеуметтік желілерге жүргізілген мониторинг барысында анықталған.
"Ол ҚР Қылмыстық кодексінің 293-бабы бойынша соталды тергеп-тексерудің бірыңғай тізіліміне тіркелді. Тексеру шаралары барысында қарт адамды ұрып-соққан ер адам анықталып, ұсталды. Ол - Алматы облысының 47 жастағы тұрғыны. Ұсталған азамат өзін ақтау үшін қария көлігіне зақым келтіргенін айтты", - деді Алматы қалалық Полиция департаменті бастығының орынбасары, полиция полковнигі Рустам Әбдірахманов.
Сондай-ақ, бұл оқиға Алматы облысы аумағында болғаны анықталған.
"Қылмыстық іс материалдары қосымша тергеу және шешім қабылдау үшін Қарасай аудандық полиция бөліміне, Алматы облысының полиция департаментіне жолданады", - деді Рустам Әбдірахманов.
Бұған дейін әлеуметтік желілерде ер адам қарияны таяқпен ұрып-соғып жатқаны түсірілген видео тарағаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
