Алматыда күдікті полиция көлігінде өзіне қол жұмсады

Алматыда көлік ұрлады деген күдікті полицейлердің қызметтік көлігінде өзіне қол жұмсады, - деп хабарлайды Tengrinews.kz тілшісі.

Оқиға Жетісу ауданында болған. Күдікті тергеу тобының көлігінде өзіне қол жұмсаған. Алматы Полиция департаментінің баспасөз қызметі бұл ақпаратты растады.

"Қазіргі уақытта өз танысынан Toyota автокөлігін ашық түрде ұрлады деген күдікпен ұсталған 1980 жылы туған азамат И.-дің өлімі дерегі бойынша тергеу амалдары жүргізіліп жатыр.

Сараптама қорытындысына сәйкес, марқұм мас күйде болған. Мән-жай анықталып жатыр", - деді Алматы ПД баспасөз қызметі өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!