Алматыда мас жүргінші көлік қозғалысына кедергі жасаған

Куәгерлер Алматыдағы Сәтбаев пен Байтұрсынов көшелері қиылысында көлік қозғалысына кедергі келтірген мас адамды видеоға түсіріп алған, - деп хабарлайды Tengrinews.kz тілшісі.

Видео Instagram желісіндегі krisp__almaty парақшасында жарияланды. Сондай-ақ, куәгерлер көлік жүргізушілерінің бірі мас адамды итеріп жіберіп, ол арыққа құлап кеткенін айтты. Полицейлер жүргізушіні де, бұзақыны да жауапқа тартты.

"28 жастағы П. жол апатын туғызғаны (ӘҚБтК-нің 615-бабы) және қоғамдық орынға мас күйде келгені үшін (ӘҚБтК-нің 440-бабы) әкімшілік жауапкершілікке тартылды. Оны арыққа итеріп жіберген жүргізуші де анықталып, жауапқа тартылды. Қазіргі П.-ға келтірілген дене жарақаттарының ауырлығын анықтау үшін сот-медициналық сараптама тағайындалды", - деді полиция қызметкері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!